വീട്ടിലേയ്ക്ക് മടങ്ങുന്നവരെ എനിക്കിഷ്ടമാണ്
അവര്‍ പ്രകൃതിയോടൊപ്പമാണ്
അവരില്‍ സ്നേഹത്തിന്റെ വറ്റാത്ത ഉറവയുണ്ട്
അവരുടെ മുഖത്ത്, ശരീരത്തില്‍ നഷ്ടപ്പെട്ട യുദ്ധമുണ്ട്
വീട്ടിലേയ്ക്കുള്ള വരവ് അവസാനത്തെ തുമ്പാണ്
വീട്ടിലേയ്ക്ക് മടങ്ങുന്നവര്‍ കുട്ടികളാണ്
അവരില്‍ അലച്ചലിന്റെ അഴുക്കുണ്ട്
അവരുടെ വിയര്‍പ്പില്‍ കുട്ടിക്കാലത്തിന്റെ ഗന്ധമുണ്ട്
ചിറകടിച്ചതിന്റെ ക്ഷീണം
പ്രയാണത്തിന്റെ എല്ലാ ദശയിലും വീടിന്റെ മണമുണ്ട്, ഓര്‍മയുണ്ട്
വീട് ശരീരം തന്നെയാണ്
ശരീരം വിട്ട് പോകുന്നതുവരെ.
--- സന്തോഷ്‌ കുമാര്‍ കാനാ
No comments:
Post a Comment