My Strength

what do you like about this blog?

Saturday, August 30, 2014

മട്ടന്നൂരിന്റെ തായമ്പക


കുതിച്ചു വരുന്ന കുതിരപ്പട
തിമിർത്തു പെയ്യുന്ന മഴ
ചെറു ഒഴുക്കിൽ ആടിയുലയുന്ന സുഖം
സാമജസഞ്ചാര സുഖം
ആനപ്പുറത്തെഴുന്നള്ളത്ത്
ചടുല തെയ്യത്താളം
ആനന്ദ നിർവൃതിയുടെ നിശ്ചല പരമകാഷ്ഠ
ഒരു മൃദു മയക്കം
വിദൂരത്തു നിന്നടുക്കും ഘോഷയാത്ര

ഈ തായമ്പകയിൽ നാം യാത്രയിലാണ്,
യാത്രികരാണ്
ആരോഹണ അവരോഹണങ്ങളിൽ
നമ്മെ ലയിപ്പിച്ച്
സഞ്ചരിപ്പിച്ച്
അയത്നലളിത പുഞ്ചിരിയോടെ
കിരീടമഴിച്ചു വെയ്ക്കുംപോലെ
ഒഴിയുന്നു...
                                      --സന്തോഷ്‌ കുമാർ കാനാ 

(ശ്രീ മട്ടന്നൂർ ശങ്കരൻ കുട്ടിയുടെ തായമ്പക കേട്ട അനുഭവം---- കരിവെള്ളൂർ ശ്രീ കോട്ടൂർ മഹാവിഷ്ണു ക്ഷേത്രം, 2014)
Mattanur Shankarankutty, the renowned Indian percussionist.

No comments: